बाँधिने भो शाहरुखसँग आलियाको जोडी

बलिउडमा पछिल्लो समय अभिनयबाट छाप छोड्दै गइरहेकी आलिया भट्टले शाहरुख खानसँग रोमान्स गर्ने पक्का भएको छ । शाहिद कपुरसँगको फिल्म ‘सानदार’ को रिलिजको पर्खाइमा रहेकी २२ वर्षिय आलिया र ४९ वर्षिय शाहरुखलाई जोड्ने काम शाहरुख खानको आफ्नै ब्यानर रेड चिलिज र करण जोहरको धर्मा प्रोडक्सनले गर्ने भएको हो ।

नाम घोषणा नगरिएको फिल्मलाई ‘इंगलिस विंगलिस’ निर्देशक गौरी शिन्देले निर्देशन गर्ने पनि पक्का भएको छ । फिल्मका बारेमा करण जोहरले ट्विटरबाट चाँडै नै आलिया र शाहरुख सँगै आउने कुरा पक्का भएको र आफ्नो र शाहरुखको ब्यानरबाट चाँडैै नै ठूलो घोषणा हुने जनाएका हुन् ।

यसैबारेमा निर्देशक गौरी सिन्देले पनि नयाँ फिल्म बनाउन लागेको र पटकथा तयार भएको जनाउँदै चाँडै सुटिङ सुरु हुने फिल्मबाट आशा जागेको बताएका छन् । उनीहरु दुवैको ट्विटले भारतीय सामाजिक सञ्जालमा चर्चा पनि बटुलिरहेको छ ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: enterintment