काठमाडौं, श्रावण २४ । एटिएम बुथहरु तथा इन्टरनेट अनलाइन बैंकिङका माध्यमबाट अनधिकृत रुपमा रकम निकालेको अभियोगमा दुई भारतीय नागरिकलाई प्रहरीले पक्राउ गरेको छ ।
भारतको बिहार, पुर्वी चम्पारण मोतिहारी जिल्ला, आदापुर थाना, भवानी ग्रामपन्चायत घर भई हाल बीरगंज उपमहानगरपालिका–१ छपकैया बस्ने ३० बर्षीय भुषण पाण्डे र भारतकै बिहार पुर्वी चम्पारण, मोतिहारी जिल्ला दारपा थाना, पुरैनिया ग्रामपन्चायत घर भएका २२ बर्षीय दिलिप कुमार यादवलाई प्रहरीले पक्राउ गरेको हो ।
उनीहरुलाई महानगरीय प्रहरी अपराध महाशाखाबाट खटिएको प्रहरीले बीरगंजबाट पक्राउ गरेको हो ।
नबिल बैंकका केही ग्राहकहरुको बैंक खाताबाट उनीहरुले पोखरा तथा बीरगंजका विभिन्न स्थानहरुमा ग्राहकहरुलाई झुक्याई एटिएम कार्डको सूचना प्राप्त गरी बुथ नजिक गई एकजना ब्यक्तिले कार्डको पिन कोर्डबारे सूचना लिने र अर्को ब्यक्तिले बुथ भित्र प्रवेश गरी एटिएम कार्ड प्रयोग गर्न नजानेको बहाना बनाई सक्कली सेवाग्राहीको सुचना गोप्य रुपले प्राप्त गरी अनधिकृत रुपमा प्रयोग गरी बिभिन्न बुथहरुबाट पटकपटक गरी रकम झिकेको प्रहरीको अनुसन्धानबाट खुलेको छ ।
0 comments:
Post a Comment