भ्यागुताको पूजा गरी भोजन खुवाइयो

भक्तपुर, भदौ १२ – जनै पूर्णिमाको अवसरमा शनिबार बिहानै भक्तपुरका किसानले खेत खेतमा गएर भ्यागूताको पूजा गरी भ्यागूतालार्ई भात खुवाएका छन् । वर्षा गराउने दूत तथ प्राकृतिक देवताका रूपमा मानेर यहाँका कृषकले भ्यागुतालाई विभिन्न परिकारका भोजन खुवाई पूजा गर्ने गरेका छन् ।
भ्यागुतालाई भोजन गराउने यहाँको प्रचलनलाई स्थानीय नेवारी भाषामा ब्याँजा नकः वनेगु भन्ने गरिन्छ । खेतमा किरा मारेर अन्न उब्जाउन समेत सहयोग गर्ने प्राकृतिक देवताका रूपमा भ्यागुतालाई सिमीको पातमा खाद्य परिकार राखेर खेत खेतमा गई पूजा गरी भोजन गराउने  परम्परा रहेको छ ।
रोपाइँको समयमा र वर्षात सुरु हुनुभन्दा पहिले खेतमा काम गर्दा कोदालीबाट मरेका किरा फट्याङग्रा र भ्यागुतालाई मारेको पाप मोचन गर्नका लागि भ्यागुतालाई पूजा र भोजन गराउने प्रचलन रहेको संस्कृतिकर्मी ओम धौभडेल बताउँनुहुन्छ ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News