बन्दकर्ताद्वारा दुई वटा ट्रकमा आगजनी

सप्तरी, भदौ ५ – पूर्व–पश्चिम राजमार्ग अन्तर्गत सप्तरीको भारदह–पोर्ताहा सडक खण्डमा शनिबार बिहान बन्दकर्ताले दुई वटा मालबाहक ट्रकमा आगजनी गरेका छन् । यस्तै यस्तै एउटा यात्रु गाडी तोडफोड गरेका छन् । बन्दको अबज्ञा गरेको भन्दै बन्दकर्ताले पोर्ताहा–५ को सडकमा पश्चिमबाट पूर्व पश्चिमका लागि छुटेको ना ३ ख ७३०० नम्बरको मालबाहक ट्रकमा आगजनी गरेका हुन् ।

 यसैगरी भारदह–१ स्थित सडक खण्डमा बन्दकर्ताले पूर्वबाट पश्चिमका लागि छुटेको को १ ख ३३८९ नम्बरको मिनि ट्रकमा समेत आगजनी गरेका छन् । आगजनीका कारण ट्रक पुर्ण रुपमै क्षतिग्रस्त भएको छ । पुर्वका लागि छुटेको ना ४ ख ४२६६ नम्बरको यात्रु बसमा बन्दकर्ताले तोडफोड गरेका छन् । बन्दकर्ताले तोडफोड गर्न थालेपछि बस अनियन्त्रित भएर पल्टिँदा १४ जना घाइते भएको प्रहरीले जनाएको छ ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News