मोटरसाइकलको ठक्करबाट मृत्यु

काठमाडौं, भदौ ७ । काठमाडौंको शान्तिनगरमा तीव्र गतिमा गुडिरहेको मोटरसाईकलको ठक्करबाट एक युवतीको मृत्यु भएको छ । प्रहरीका अनुसार दुर्घटनामा परी मृत्यु हुनेमा पैदलयात्री २२ वर्षीया रिता चौधरी रहेकी छन् । चौधरीको उपचारको क्रममा निजामती अस्पताल मीनभवनमा गएराति सवा ११ मृत्यु भएको हो ।
मोटरसाइकको ठक्करबाट घाईते भएकी ३४ वर्षीया शिल्पी रिमालको पनि सोही अस्पतालमा उपचार भइरहेको छ । दुर्घटनामा मोटरसाइकल चालक दोलखाका १९ वर्षीय कुमार थापा र पछाडी सवार गुल्मीकी २५ बर्षीया सीता भण्डारी समेत घाइते भएका छन् । प्रहरीका अनुसार नयाँबानेश्वरबाट तीनकुनेतर्फ जाँदै गरेको बा५४प ५२ नम्बरको मोटरसाइकलले पैदलयात्रीद्वय चौधरी र रिमाललाई गएराति सवा ९ बजे शान्तिनगरमा ठक्कर दिएको थियो । दुर्घटना संलग्न सवारी साधनलाई महानगरीय प्रहरी बृत्त नयाँबानेश्वरले नियन्त्रणमा लिएको छ ।

तस्बिर- फाइल

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News