यु–१९ साफ फुटबलमा आज नेपाल र बंगलादेश भिड्ने

काठमाडौं, भदौ ७ ।  अन्डर नाइन्टिन साफ च्याम्पियनसीप फुटबल प्रतियोगितामा सोमबार(आज) आयोजक नेपाल र बंगलादेश भिड्दै छन् । ललितपुरको सातदोबाटोस्थित एन्फा कम्प्लेक्समा दिउँसो साँढे ३ बजे सुरु हुने खेलमा दुवै टोली स्पष्ट जित हात पार्दै समुह बिजेता बन्ने दाउमा हुने छन् । तीन टोली सम्मिलित समुह ए मा भुटानले समुहका सबै खेल हारेपछि दुवै टोली यसअघि नै सेमिफाइनलमा प्रवेश गरिसकेका छन् । नेपाल र बंगलादेशले आ–आफ्नो पहिलो खेलमा भुटानलाई पराजित गरेका थिए । आजको खेलमा बराबरी गरे मात्रै पनि नेपाल समुह बिजेता बन्ने छ भने बंगलादेशलाइ स्पष्ट जित आवश्यक पर्छ । यसअघि आइतबार भएको खेलमा उपाधि दाबेदार भारतले विजयी सुरुआत गरेको छ । समुह बी को खेलमा भारतले अफगानिस्तानलाई २–० ले पराजित गरेको हो । समुहको पहिलो खेलमा माल्दिभ्सलाई पराजित गरेको अफगानिस्तानले सेमिफाइनल प्रवेशका लागी भारत र माल्दिभ्सबीच हुने समुहको अन्तिम खेलको नतिजा कुर्नुपर्ने छ ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: sports