न्यायाधीश बम हत्या प्रकरण : साउदीबाट ‘सुटर’ लिएर सिआईबी टोली काठमाडौंमा

सर्वोच्च अदालतका न्यायाधीश रणबहादुर बममाथि गोली प्रहार गरी हत्या गर्ने ‘सुटर’ मध्येका एक भगवान भन्ने संजय स्माईली मगरलाई सिआईबीले साउदी अरबबाट पक्राउ गरेर नेपाल ल्याएको छ। ईन्टरपोलमार्फत रेडकर्नर नोटीस समेत जारी भईसकेका मगर साउदी प्रहरीको नियन्त्रणपछि जेलमा थिए। उनलाई लिन केन्द्रीय अनुसन्धान ब्यूरो (सिआईबी) साउदी पुगेको थियो। साउदी दुतावास र प्रहरीसँगको समन्वयमा मगरलाई नेपाल प्रहरीको जिम्मा लगाएको हो। आइतबार मगरलाई लिएर प्रहरी टोली स्वदेश फिर्ता भएको सिआईबीकी प्रवक्ता एसपी किरण बज्राचार्यले बताइन्।

अर्का सुटर जनकपुरका शिव भन्ने करण चौधरीलाई सिआईबीले यसअघि नै पक्राउ गरिसकेको छ ।
२०६९ जेठ १८ गते विहान बंगलामूखीको दर्शन गरी फर्र्किएका बममाथि ललितपुरको शंखमूल स्थित युएनपार्क नजिकैको प्लटिङमा गाडी रोकेर गोली प्रहार गरि हत्या गरिएको थियो। बम हत्यामा संलग्न मगर बाहेक अन्य सबै अभियुक्तलाई सिआईबीले २०७१ जेठ १८ गते पक्राउ गरिसकेको छ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News