‘किक’ को सिक्वेलमा सलमानले डबल रोल गर्ने

 साजिद नाडियाडवाला निर्देशित सन् २०१४ मा रिलिज भएको फिल्म ‘किक’ को सिक्वेल ‘किक–२’ बन्ने भएको छ । सलमान खानको आग्रहमा फिल्मको सिक्वेल बन्न लागेको हो। भारतीय समाचार संस्थाका अनुसार किक २ को अवधारणा पनि सलमानले तयार पारेका हुन् भने उनको अवधारणालाई ‘स्क्रिप्टिङ’ गर्ने काम भने निर्देशक साजिदले गरिरहेका छन् । सलमानले यसअघि ‘वीर’, ‘वागी’ र ‘चन्द्रमुखी’ को अवधारणा तयार पारेका थिए। किक २ मा सलमानले दोहोरो भूमिका गर्ने जनाइएको छ । सलमानले यसअघि १८ वर्षअघि ‘जुडवा’ मा दोहोरो भूमिका निभाएका थिए । सलमान हाल सुरज बडजात्याको ‘प्रेम रतन धन पायो’ फिल्ममा पनि दोहोरो भूमिका निभाइरहेका छन् ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: enterintment