काठमाडौ, श्रावण २७ - विप्लव माओवादीको युवा संगठन राष्ट्रिय युवा जनस्वयंसेवकले वैदेशिक रोजगार विभागका महानिर्देशक भरत राज सुवेदीमाथि कुटपिट गरेको छ । बोहोराटर निवासबाट कार्यालय जान लाग्दा बाटोमा ४-५ जनाको समुहमा आएकाले गाडीमा ढुंगामुडा गर्दै कुटपिट गरेको प्रहरीले बताएको छ । विप्लव माओवादीको युवा संगठन राष्ट्रिय युवा जनस्वयंसेवकले वैदेशिक रोजगार विभागका महानिर्देशक भरत राज सुवेदीमाथि कालोमोसो लगाएको दाबि गरे पनि प्रहरीले भने कुटपिट र ढुंगामुडा गरिएको बताएको छ । सुवेदी र उनका चालकको जनमैत्री अस्पताल बालाजुमा उपचार भइरहेको छ । उनीहरु दुवैको स्थिति सामान्य छ । सुवेदीको गाडीमा क्षती पुगेको छ भने उक्त स्थलबाट नेकपा माओवादीको पर्चा फेला परेको छ ।
0 comments:
Post a Comment