एउटै कारभित्र ५१ जना बसेर विश्व कीर्तिमान

काठमाण्डौ । बेलायतका युवायुवतीले एउटै कारभित्र ५१ जना बसेर विश्व कीर्तिमान कायम गरेका छन् । बेलायतको मेलवेरनमा गत साता भएको एउटा फेस्टिभलमा ५१ जना मानिस एउटै कारभित्र पसेर विश्वलाई चकित बनाएका हुन् ।

बेलायतस्थित मेक विस फाउन्डेसनका लागि सहयोग संकलन गर्ने उद्देश्यले आयोजित कार्यक्रममा ५१ जना मानिस एउटै कारभित्र अटाएका हुन् । एउटै कारभित्र यति धेरै मानिस बस्दै छन् भन्ने प्रचारप्रसार गरी कार्यक्रम आयोजकले कार्यक्रमस्थलमा भीड जम्मा गरेको थियो ।
51फाउन्डेसनले गम्भीर रोगबाट पीडित बालबालिकाको मनोकांक्षा (विस) पूरा गर्ने गरेको छ । यही प्रयोजनका लागि चन्दा संकलन गर्न आयोजना गरिएको कार्यक्रममा यति धेरै मानिस एकसाथ कारभित्र बसेको बेलायती सञ्चारमाध्यमहरूले जनाएका छन् ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News