मिनिटेलरले बनायो हलिलाई विस्थापित

दिनभरी हलो जोतेर विहान बेलुका आफ्नो गुजारा चलाएका हलिलार्इ अहिले मिनिटेलर भित्रिएपछि विस्थापित बनादिएको छ।  दिनभरी लाग्ने काम ट्रयाक्टरले एक दुई घन्टामा नै सिध्याइदिने भएपछि उनीहरुको पेशा संकटमा परेको हो ।

‘धेरै वर्ष अघिदेखी बालिघरे र ज्यालादारीमा काम गर्दै आएको थिए, अहिले मिनिटेलरले छिटो हुने हुँदा कसैले पनि बोलाउनै छोडे,' स्थानीय धने सार्कीले भने 'दुई तीनवर्ष देखि मेरो पेशा संकटमा पर्दै गएको छ ।  अब म यो पेशा छाडेर विदेश जाने तयारीमा छु ।'

आधुनिकताको विकास सँगै गाउँगाँउमा ट्याक्टर र मिनिटेलर भित्रिय पछि हलिहरुको  विस्तापित हुन पुगेका हुन ।  उता मिनिटेल प्रयोग गरी आफ्नो खेती किसानी गर्दै आएका बागलुङ नगरपालिका ५ का नारायण शर्मा भने मिनिटेलर ट्याक्टर प्रयोगमा ल्याउन थालेपछि खर्च र समयको बचत हुन थालेको बताउँछन ।

आफ्नो काम भ्याएर हिउँद र बर्षामा उनले छिमेकीको खेती लगाइदिएर मनग्ये आम्दानी गर्न भ्याएको बताउँछन ।
शर्मा भन्छन, '१० दिन सम्म लगाएर रोप्ने खेत एकै दिनमा सक्न भएका छौ ।'

उनि र उनको परिवार अहिले हलगोरु पाल्ने चिन्ताबाट मुक्त भएका छन् । मिनिटेलरले गर्दा निकै सहजभएको उनि बताउँछन । केहीवर्षदेखि जिल्ला कृषिविकास कार्यालयले मिनिटेलर हलोको प्रयोगलाइ बढाएपछि किसानले खेतीगर्न सजिलो भएको हो ।

अहिले असारभरी लगायर रोप्ने खेत समयमै रोपेर सकिन्छ मिनिटेलरले गोरु पाल्ननपर्ने घाँसको पनि केहि पीर छैन । ६० हजारमा किनेको ट्रयाक्टरले वर्षौदेखि काम दिनुको साथै कमाइ पनि गरिदिएको उनि बताउँछन ।

पैयुँपाटा, नारायणस्थान, बिहुँ, गलकोट, बुर्तिवाङ,  जैदी, कुश्मीसेरा लगायतका स्थानमा जिल्ला कृषि विकास कार्यालयले ५० प्रतिशत अनुदानमा कृषक समूहलाइ प्रदान गरेको छ ।
व्यक्तिगत रुपमा पनि किसानले खरिद गरेर लगेपछि खेती लगाउन छिटो र सहजभएको छ  भने हलिको पेशा अलि विस्थापित भएको छ ।

अबको समयमा ‘कृषिलाइयन्त्रिकरण गराउने हाम्रो लक्ष भेट्ने पहल शुरु भएको छ’ जिल्ला कृषिविकास कार्यालय बागलुङका बरिष्ठ कृषि विकास अधिकृत बिनोद हमालले भन्ने, ‘जिल्लालाइ आत्मनिर्भर र निर्यातमूखि बनाउन यन्त्रिकरणमा जानै पर्छ ।’

सामान्यतया धान, मकै र गहुँबाली लगाउनका लागि मिनिटेलर हलो निकै उपयोगी भएको किसानहरुको भनाइ छ । जिल्लामा कृषिविकास कार्यालयतर्फबाट ४ सय समूहका ८ हजार र पशु विकास कार्यालयतर्फका ३ सय समूहका ६ हजार गरी १४ हजार किसानले अहिले पनि व्यवसायिक कृषि पेशाअंगालेको तथ्यांक छ ।

जिल्लामा अहिले झण्डै ५० वटा मिनिटेलरको प्रयोग भैरहेको छ । जिल्लाको २० हजार हेक्टरमा मकै, ७हजार हेक्टरमागहुँ र ५ हजार हेक्टरमा धान उत्पादन भएको छ । धान बाहेकका अन्न र दूध उत्पादनमा आत्मनिर्भर समेत बनेको कृषि र पशुविकास कार्यालयको तथ्यांकमा रहेको छ ।

यो समाचारसंग सम्बन्धित भिडियो तल छ, हेर्नका लागि विचमा थिच्नुहोस्

Posted in: News