‘सरकारबारे ठोस छलफल गरेर अगाडी बढ्ने जिम्मा अध्यक्षलाई दिएका छौं’ बैठकपछि रातोपाटीसँग कुरा गर्दै प्रवक्ता पम्फा भुसालले भनिन्, ‘अगामी २१ गते पार्टीको पोलिटब्यूरो बैठक बोलाउने निर्णय गरेका छौं ।’ सरकारको नेतृत्व गरिरहेको नेकपा एमालेले आफूहरुसँग गरेको सहमती कार्यान्वयनमा तदारुकता नदेखाएको भन्दै बैठकमा सहभागी एक नेताले भने, ‘सहमती कार्यान्वयनमा इच्छा नदेखाएपछि अब किन उसको पुच्छर बनिरहने ?’ उनका अनुसार एमाले छाडेर कुन पार्टीसँग मिलेर नयाँ सरकार बनाउने भन्नेबारे छलफल नभएपनि कांग्रेससँग सहकार्य गर्नेतिर परिस्थिति केन्द्रित भएको छ । ‘कुन पार्टीसँग सहकार्य गर्ने भन्ने कुरा भएन’ बैठकमा सहभागी एक नेताले भने, ‘तर हाम्रो एजेन्डामा टेकेर अगाडी बढ्ने दलसँग सहकार्य हुने कुरा राजनीतिको सामान्य सिद्धान्त हो ।’ त्यस्तै बैठकले केही समयअघि बनेको वर्षमान पुन नेतृत्वको कार्यदलले पेश गरेको संगठनात्मक कार्यविधी छलफलसहित पारित गरेको छ । ‘कार्यदलले पेश गरेको संगठनात्मक कार्यविधी सामान्य छलफल गरेका छौं’ प्रवक्ता भुसालले भनिन्, ‘यसबारे पोलिटब्यूरो बैठकमा फेरी छलफल भएपछि मात्र अनुमोदन हुन्छ ।’ बैठक स्रोतका अनुसार अन्ततः कार्यदलले हालको जम्बो केन्द्रिय समिति १९९ सदस्यीय बनाउन प्रस्ताव गरेको छ ।
कार्यदलले पेश गरेको पार्टीको महाधिवेशन, सम्मेलन कसरी गर्ने भन्नेबारेको कार्यविधी लगभग पारित भएको बताइएको छ । बैठकमा सहभागी एक नेताले भने, ‘अन्ततः कार्यदलले पेश गरेको संगठनात्मक कार्यविधी पारित भएको छ, अबको पोलिटब्युरो बैठकबाट त्यसलाई अनुमोदन गर्छौं ।’ उनका अनुसार अहिलेको जम्बो केन्द्रिय समितिलाई १९९ सदस्यमा सिमित बनाउन कार्यालय टिममा रहेका नेताहरु सहमत भएका छन् ।
0 comments:
Post a Comment