तीन दिनअघि मात्र भिरकोट नगरपालिका २ केशव कोइरालाले नगद पाँच सय, केही कोदोसहित गाई पाल्नका लागि विकलाई दिएका थिए ।
लामो समयसम्म गाई पालेर दूध मोही खादै आएका कोइराला परिवार वृद्ध भएर पाल्न नसकेको जनाउदै विकलाई गाई पाल्न दिएका हुन् ।
राम्रोसंग पालन पोषण गर्ने जनाउँदै खुशीसाथ गाई लिएर घर गएका विकले गाई गोठमा पनि नपुर्याउदै मारेकोप्रति कोइराला परिवार दुःखी बनेको छ ।
राष्ट्रिय जनावर गाईलाई हिन्दूधर्मालम्बीले लक्ष्मीको रुपमा पूजा गर्ने गर्छन् । गाई मासु खानका लागि मारेको पदमबहादुर विकलाई उद्धृत गर्दै प्रहरी निरीक्षक उत्तमप्रकाश बरालले जानकारी दिए ।
बरालका अनुसार पाल्न लगेको गाई पदमबहादुरले घरमा नपुर्याई नजिकैको रुखमा बाँधेर बन्चरो प्रहार गरेर मारेका थिए । गाईलाई मारेपछि भाग्दै गर्दा स्थानीयको खवरपछि घट्नास्थलमा विक प्रक्राउ परेका हुन् ।
प्रहरी निरिक्षक बरालका अनुसार मुलुक धर्मनिरपेक्ष भएपनि कानुन अनुसार गाई मार्न पाइदैन । मुलुकी ऐन २०२० अनुसार चौपाय महलको दफा ११ अनुसार जानी जानी गाई मार्नेलाई १२ बर्ष जेल सजाय र मार्न बचन दिनेलाई ६ बर्ष कैदको व्यवस्था गरिएको छ ।
गाईको हत्या गर्ने विकले गाई मार्ने आफ्नो योजना नभएको बयान दिएको प्रहरीले बताएको छ । विकले गाई मारेको प्रति प्रहरीसँग पछुतोभएको बताएका छन् ।
अनुसन्धानका लागि जिल्ला अदालत स्याङ्जाले विकलाई बुधवार ६ दिनको म्याद थप गरेको छ ।
0 comments:
Post a Comment