काठमाण्डौ। गएको शुक्रबारबाट प्रदर्शनमा आएको चलचित्र ‘लव सब’ले प्रदर्शनमा आएको तीन दिनमा ५८ लाख भन्दा माथीको व्यापार गरेको चलचित्रका निर्माता शुशिल पोखरेलले जानकारी दिएका छन् ।
बैशाख १२ गतेको भूकम्पपछि चलचित्रको व्यापार कमजोर भइरहेको खबर बाहिर आएपनि चलचित्र लव सबको यो व्यापारले भने भूकम्पको असर नदेखिएको अनुमान लगाउन सकिन्छ । निर्माता पोखरेलका अनुसार चलचित्र लव सबले प्रदर्शनमा आएको तीन दिनमा ५८ लाख ग्रस आम्दानी गरेको छ । चलचित्रको कथा वस्तु र कलाकारहरुको अभिनयलाई दर्शकहरुले अत्याधिक रुचाएका छन् । चलचित्रले आक्रमक व्यापार गरेपनि लव सबका दुई निर्माता शुशिल पोखरेल र नरेन्द्र महर्जनले ‘लव सब-२’ समेत बनाउँने निर्णय गरेका छन । सुशीलको घोषणा अनुसार ‘लबसब २’ अब २०७३ सालको दशैंमा चल्नेछ ।
कमेडी लभस्टोरी चलचित्र ‘लव सब’ मा संयम पुरी, सलोन बस्नेत, शिशिर भण्डारी, करिष्मा श्रेष्ठ, केके अधिकारी, अर्चना राई लगायतका कलाकारहरुको अभिनय रहेको छ । चलचित्रमा देव कुमार श्रेष्ठको निर्देशन रहेको चलचित्र लव सबमा सुशील पोखरेल र नरेन्द्र महर्जनको संयुक्त लगानी छ । कलाकार संयम पुरी चलचित्रमा एक लाटोको भुमिका निभाएका छन् भने सलोन बस्नेत र शिशिर भण्डारी भने कमेडी शैलीमा प्रस्तुत भएका छन् ।
0 comments:
Post a Comment