अधिकारिक जानकारी आएको छैन : दुतावास यूएइको आबुधाबी स्थित नेपाली दुतावासले नेपालीको ज्यान गुमेको खबर संचारकर्मीमार्फत पाए पनि अधिकारिक जानकारी दुतावासलाई प्राप्त नभएको बताएको छ । आपराधिक घटनामा गहिरो छानविनपछि मात्र दुतावासलाई अधिकारिक जानकारी गरिने बताउँदै त्यसो गर्न एक सातादेखि ६ महिनासम्म समय लाग्न सक्ने दुतावासका द्वितिय सचिव कृष्ण अर्यालले बताउनुभयो ।
यूएइमा रहेका नेपालीको इतिहासमा नेपालीले नै नेपालीलाई हत्या गरेको आरोप लागेको उस्तै प्रकृतिको यो घटना तेस्रो हो । नेपाली बीचको झगडाले उग्र रुप लिंदा अर्का नेपालीको ज्यान गएको यस् घटनाले नेपालीको इज्जतमाथि दाग लगाउने काम भएको यूएईमा कार्यरत नेपालीहरुको भनाइ छ ।
अब के हुन्छ ?यूएइको कानुनले ज्यान जाने सम्मको घटनामा संलग्नलाई मृत्युदन्डको सजाय दिने गर्छ । त्यसका लागि हत्या गरेको प्रमाणित हुनु पर्नेछ । मृत्युदण्डको सजाय सुनाइएको मुद्दालाई पुनरावेदन गर्न पाउने अवसर पाइयो र उच्चस्तरीय पहल भए मात्र ब्लडमनिको बिषयले प्रवेश पाउने छ । यस बिषयमा मृतक र हत्यामा संलग्नको पारिवारबीच सहमती भए मात्र आरोपितलाई सजाय मिनाहा हुन सक्ने कानुनी व्यवस्था छ । यूएइमा मदिरा प्रयोगमा रोक लगाइएको छ । घटनामा संलग्नले जाँडरक्सी सेवन गरेकोले समस्या झन जटिल बन्न सक्ने छ । घटनाको यथार्थ जानकारी प्रशासनबाट अधिकारिक प्राप्त भएपछि रिपोर्टकै आधारमा दुतावासले अन्य प्रक्रिया सुरु गर्छ । मुद्दा अदालतमा पुग्यौ भने दुतावासले पनि खासै केही गर्न नसक्ने जानकारहरु बताउँछन ।
0 comments:
Post a Comment