मंगलबार बिहान करिब एक घण्टा राष्ट्रपति डा. रामवरण यादवसँग भेट गरेर सितल निवासबाट निस्किएका प्रधानमन्त्री कोइराला यसरी जंगिएपछि पत्रकारले फेरी प्रश्न गरे, प्रधानन्त्रीज्यू रिसाउनुभए जस्तो छ नि के भयो ? कोइरालाले तत्काल जवाफ दिए, ‘मेरो बोली नै यस्तै हो ।’
राष्ट्रपतिसँग भेट गरेर निस्किएका प्रधानमन्त्रीलाई त्यसअघि नै पत्रकाले प्रश्न गरेका थिए राष्ट्रपतिसँग के कुरा भयो ? उल्टै कोइरालाले प्रश्न गरे, ‘के के कुरा भयो म तपाईंहरुलाई बताउ ?’ पत्रकारसँग छोटो प्रतिक्रिया दिएर प्रधानमन्त्री सितल निवासबाट बाहिरिए ।
राष्ट्रपति यादव संविधान निर्माणको अन्तिम चरणमा आएर शीर्ष दलको निर्णयप्रति असन्तुष्ट छन् । मधेसवादी दलका मागलाई सम्बोधन नगरी संविधान जारी गर्ने मिति घोषणा गरेर राष्ट्रपतिलाई निम्तो दिइएपछि सोही विषयमा राष्ट्रपतिले प्रधानमन्त्रीसँग असन्तुष्टि राखेको बुझिएको छ ।
यता संविधानसभाका समाध्यक्षले प्रधानमन्त्री र शीर्ष दलका नेता सँग छलफल नगरी संविधान जारी गर्ने मिति सार्वजनिक गरेको प्रति प्रधानमन्त्री कोइराला समेत असन्तुष्ट रहेको बालुवाटार स्रोतले बताएको छ ।
0 comments:
Post a Comment