दिपेन्द्र घिमिरे - काठमाडौमा केही समय अगाडी भएको एसिड प्रकरण सेलाउन नपाउँदै अर्को घटना सार्वजनिक भएको छ । नायीका केकी अधिकारी माथि एसिड आक्रमण भएको छ । केकीलाई प्रेम प्रस्ताव राख्दा उनले गालामा झापड हानेको रिस पोख्दै उक्त व्यक्तिले उनीमाथी एसिड छ्यापेका हुन् ।
निकेश खड्का निर्देशित अर्जुन पाण्डेको नयाँ एल्बम नयाँ सपना भित्र समावेश गीत 'ओईलाएर झर्न दिन्न'को भिडीयोको कथा हो यो । केही समय अगाडी काठमाडौंमा भएको वास्तविक घटनालाई निर्देशक खड्काले कलात्मक रुपमा पर्दामा उतारेका हुन् ।
डिपी खनालको शब्दमा किरण कंडेलको संगित रहेको उक्त गीतमा एरेन्जमेन्ट भने अल्मोडा उप्रेतिको रहेको छ । नायीका केकी अधिकारीका साथसाथै निरजन थापा तथा बालकलाकार मानवी खड्काको अभिनय रहेको उक्त भिडीयोमा प्रशान्त तामाङको कोरियोग्राफि रहेको छ भने छायांकन धिरजजंग शाहको रहेको छ । निशान घिमिरेले भिडीयोको सम्पादन गरेका हुन् ।
पछिल्लो समय जीन्दगी रक्स फिल्म निर्देशन गरेर आफ्नो भविष्य फिल्म निर्देशनमा समेत अगाडी बढाएका निर्देशक निकेश खड्का नेपालका जल्दा बल्दा निर्देशकका रुपमा चिनिन्छन् ।वास्तविक घटनामा आधारित उक्त भिडीयोले झन् मानिसलाई नकारात्मक असर पर्दछकि भन्ने अनलाईन रफ्तारको प्रश्नमा निर्देशक खड्काले यो भिडीयोले नकारात्मक असर पार्नु भन्दा नि जिउने उर्जा थप्नेमा आफु विश्वस्त रहेको बताए ।
0 comments:
Post a Comment