कोहलपुर– पूर्वपश्चिम राजमार्गमा भएको सवारी दुर्घटनामा नेपालगन्ज मेडिकल कलेजमा अध्ययनरत एक छात्राको मृत्यु भएको छ । रोकिरहेको भारतीय नम्बर प्लेटको मालवहाक ट्रकसंग यात्रु बस ठोकिँदा एमबीबीएस तेस्रो वर्ष अध्ययनरत २१ वर्षीया अनिता गुप्ताको मृत्यु भएको हो ।
प्रहरीका अनुसार अनिताको घर हेटौडा नगरपालिका मकावनपुर हो । सोमबार विहान साँढे चार बजे राजमार्गको महादेवपुरी–७ स्थित ओभरीमा सडक छेउँमा रोकिएको भारतीय मालबहाक एपी २९ एएम ९२६८ नम्बरको ट्रकमा विरगन्जबाट नेपालगन्जतर्फ आइरहेको ना ५ ख १८०२ नम्बरको यात्रु बस ठोकिएको प्रहरीले जनाएको छ ।
खानेपानीको फलाम पाइप लोड गरी रोकिरहेको ट्रकमा बस ठोकिँदा पाइपले टाउँकोमा चोट लाग्दा गुप्ताको निधन भएको ईलाका प्रहरी कार्यालय कोहलपुरले जनाएको छ । उनको घटनास्थलमा मृत्यु भएको हो । दुर्घटनामा अन्य पाँच यत्रु समेत गम्भीर घाइते भएका छन् । प्रहरीले बस नियन्त्रणमा लिएपनि बस चालक भने फरार रहेका छन् । बसका अन्य घाइतेको उपचार भैरहेको प्रहरीले जनाएको छ ।
0 comments:
Post a Comment